धरान । सामुदायिक वन क्षेत्रभित्र जथाभावि फोहोर फालेको विषयमा बाँझगरा सामुदायिक वन उपभोक्ता समितिले दिएको अल्टिमेटम सकिएसँगै नगरपालिका र समितिबीच सोमबार छलफल भएको थियो ।
फोहोर व्यवस्थापन गर्न बाँझगरा वन समुह र धरान उपमहानगरपालिकाबीच धरानः फोहोर व्यवस्थापनबारे बाँझगरा सामुदायिक वन उपभोक्ता समुह र धरान उपमहानगरपालिकाबीच १० बुँदे निर्णय भएको छ ।
समूका उपाध्यक्ष कुमार भारतीले सोमबारसम्म दिएको अल्टिमेट सकिए लगतै १० बुँदे नगरपालिकासँग भएको छलफलले १० बुँदे निर्णय गरेको बताए ।
लामो समयदेखि वन क्षेत्रमा फालिएको फोहोरका विषयमा धरान उपमहानगरपालिकालाई फोहोर नफाल्न र फोरलाई व्यवस्थित गर्न चेतावनी दिँदै आएको समूहले फोहोरका विषयमा सोमबारसम्म निर्णय गर्न नगरपालिकालाई अल्टिमेटम दिएको थियो ।
उनका अनुसार फोहोरलाई व्यवस्थापन गर्न दुवै पक्ष सहमति भएको छ । फलफलमा फोहोरलाई व्यवस्थित गर्न राजमार्ग र खोलामा भएको फोहोरलाई संकलन गरी व्यवस्थित गर्ने, फोहोरले जनस्वास्थ्यमा समेत असर पारेकोले समय समयमा औषधि छर्ने, वनक्षेत्रको सुरक्षाका लागि २ जना हेरालु कर्मचारीको व्यवस्था लगायतका निर्णय भएको उपाध्यक्ष भारतीले जानकारी दिए ।
उनले भने ‘यी भन्दा अरु धेरै निर्णय भएका छन्, हाम्रो मुख्य माग नै वन समूहभित्र फोहोर फाल्न पाइदैन, नगरपालिकाले यसलाई व्यवस्थित गर्नुपर्छ भन्ने हो, नगरपालिका यसमा सकारात्मक भएको छ ।’
उनले अल्पकालीन भन्दा पनि दीर्घकालीन समस्या समाधान गर्न समूहको पहिलो माग रहेको बताउदै यससम्बन्धी पनि नगरपालिका सकारात्मक भएको बताए । उनले भने– दीर्घकालीन फोहोर व्यवस्थापन गर्न अध्ययन गर्ने र डम्पिङ साइटलाई ल्याण्डफिल्ट साइटमा रुपान्तरण गर्न अध्ययन गर्ने र डम्पिङ साइटलाई व्यवस्थित गर्ने कार्यमा वन उपभोक्ता समुहसँग अनिवार्य सहकार्य गर्ने निर्णय भएको छ ।’
नगरपालिकालाई फोहोर फाल्नेलाई कडाइ गर्ने र यसमा वन समूहले सहयोग गर्ने निर्णय भएको उनले बताए ।