प्राइम भिजनद्वारा वृक्षारोपण सहित अभिमुखिकरण

धरान/ प्राइम भिजन इन्टरनेस्नल हस्पिटालीटी म्यानेजमेन्ट कलेजका विद्यार्थीहरूले वृक्षारोपण गर्दै रोपण अभिमुखिकरण तालिम दिइएको छ ।
शुक्रबार आयोजित एक कार्यक्रममा कक्षा ११ र १२ लगायत ए.डि.एच.एम.का विद्यार्थीहरुको सहभागिता रहेको थियो । विद्यार्थीहरूलाई बिरुवाको हेरचाह र बिरुवालाई पोषण दिन उत्प्रेरित गर्ने उद्देश्यका साथ बिरुवा रोप्ने विभिन्न प्रविधिको बारेमा अभिमुखीकरण तालिम दिइएको थियो । अभिमुखीकरणमा पवित्र नर्सरी धरानका संचालक दिवेश लिम्बुले सहजीकरण गरेका थिए ।

 

प्रत्येक विद्यार्थीलाई आ–आफ्नो गमला र बिरुवा ल्याएका थिए । वृक्षारोपण गरिएका विरुवाको हेरचाह पनि विद्यार्थीले आफैले गर्नुपर्छ । बिरुवाको हेरचाह गर्ने विद्यार्थीहरूले जीवनको हेरचाह गर्न पनि सक्षम हुन्छ भन्ने विश्वस रहेको प्राइम भिजनका सीईओ अभिषेक श्रेष्ठले बताए । उनले भने, ‘हाम्रो उद्देश्य विद्यार्थीहरूलाई जीवनको बारेमा सचेत गराउनु र सन्तुलित जीवन शैली बाँच्नु सिकाउनू हो, बिरुवाको हेरचाह त सानो इशारा मात्र हो ।’

प्रत्येक वर्ष विद्यार्थीहरू सक्रिय रूपमा यस्ता कार्यक्रममा भाग लिन्छन् । धरानमा ए.डि.एच्.एम् विषय पढाउने एक मात्र कलेज प्राइम भिजनको शिक्षण शैली र विद्यार्थीको तालिम फरक छ । कलेजले विद्यार्थीलाई शैक्षिक शिक्षा मात्रै नभई जीवन सीप, मानवता र सामाजिक चेतनासीप पनि सिकाउँने गरेको सिईओ श्रेष्ठको भनाई छ ।