धरान । होटल मेनेजमेन्ट विषयमा उत्कृष्ट बनेको धरान स्थित युएन नवोदय कलेजले प्लस टु तहमा फुड एण्ड न्युटृसियन सहित कम्प्युटर साइन्स र साइन्स बिषय संचालन गर्ने भएको छ ।
शनिवार पत्रकार सम्मेलन गरी कलेजका संचालक डम्वर कुमार तुम्बापोले प्लस टु मा साइन्स,कम्प्युटर साईन्स र फुड एण्ड न्युट्रेसन विषय सञ्चालनमा आउन लागेको बताए ।
धरानलाइ शैक्षिक हबको रुपमा बिकाश गर्दै सीमित विद्यार्थी गुणस्तरीय शिक्षा कलेजको लक्ष्य रहेको क्याम्स प्रमुख तुम्बापोले बताए ।
राष्ट्रिय तथा अन्तर्राष्ट्रिय बजारमा प्रतिस्पर्धा गर्न सक्ने र राष्ट्रलाई चाहिने दक्ष जनशक्ति उत्पादन गर्नका लागि गुणस्तरीय र व्यावहारिक शिक्षामा जोडदिनु नै कलेजको लक्ष्य रहेको उनले बताए । उच्च शिक्षाको लागि राजधानी धाउनु पर्ने बाध्यताको अन्त्य गर्दै अघि बढेको उनले बताए । चिकित्सक र इन्जिनियर सहित दक्ष शिक्षकहरु बाट अध्यापन हुने उनको भनाइ छ ।
अभिभावक र विद्यार्थीहरुको विश्वासलाई कायम राख्दै थप सामिप्यता बढाउदै अघि वढने उनले बताए ।
गुणस्तरीय शिक्षामा कसैसँग सम्झौता नगर्ने कलेजका अध्यक्ष ज्ञानेश्वर झाले बताए ।
