सुनसरी । ‘स्वरादि’ एल्बम बजार ल्याएर सांगितिक क्षेत्रमा चर्चा कमाएकी गायिका गंगा गजमेरको नयाँ गित ‘नरहे यो जिन्दगी’ सार्वजनिक भएको छ ।
आधा दर्जन गितहरु बजारमा ल्याईसकेकी गजमेरले नयाँ गित ‘नरहे यो जिन्दगी’ बोलको गित बजारमा ल्याएकी छिन् । म्युजिक भिडियो सहित उनको गित गत शुक्रबार युट्युब च्यानल मार्फत बजारमा आएको छ ।
गोलो प्रडक्सन नामक युट्युब च्यानलले ल्याएको गजमेरको ‘नरहे यो जिन्दगी’ गीतमा गोपाल लोहारको शब्द, मानशी किरणको संगीत तथा संगीत संयोजन रहेको छ । गीतको म्युजिक भिडियोमा रोश्नी कार्की र सञ्जय विश्वकर्माले अभिनय गरेका छन् । उत्तर रानामगरको निर्देशन तथा सम्पादनमा तयार भएको भिडियोलाई दीनेश पराजुलीले खिचेका हुन् ।
गायिका गजमेरले विगतका गीतहरुमा जस्तै यो गीतबाट पनि दर्शक स्रोताको माया पाउनेमा आफू ढुक्क रहेको बताइन् । यसअघि गजमेरको आवाजमा ‘हेर्छु म’ ‘हाँसेर’, ‘फूल सरी माया फुल्यो’, ‘माया मोहनी’, ‘सक्दिनँ म’, ‘झुमी झुमी’ लगायतका गीत बजारमा आइसकेका छन् । उनको ‘स्वरादि’ नामक एल्बम पनि बजारमा आइसकेको छ ।
