_1693980289.gif "#")
धरान । गुणस्तरिय शिक्षा प्रदान गर्दै आएको धरान १६ स्थित युएन कलेजले नवोदय विद्या मन्दिरको स्वामित्व पनि लिदै थप गुणस्तरिय सेवा दिने जनाएको छ ।
विहिबार कलेजले पत्रकार सम्मेलन गर्दै नवोदय विद्या मन्दिरको पुर्ण स्वामित्व लिदै समय सापेक्ष नयाँ ढङ्गबाट नयाँ व्यवस्थापनले गुणस्तरिय शिक्षामा जोड दिने बताएको छ ।
विगत ९ बर्ष देखी होटल म्यानेज्मेन्ट सहित उच्च शिक्षामा गुणस्तरीय शिक्षा प्रदान गर्दै आएको कलेजले स्वामित्वमा लिएको नवोदय विद्या मन्दिरको गुणस्तरिय शिक्षामा शंका नगर्न विद्यालयका प्रधानाध्यापक डम्बर कुमार तुम्बापोले बताए ।
उनका अनुसार विद्यालयको नाम परिवर्तन नहुने र शिक्षक शिक्षिकाहरु पनि परिवर्तन नहुने भएका छन् ।
स्वामित्वमा ल्याए पछि विद्यालयको पोशाक परिवर्तन गर्ने तयारी गरिए पनि अभिभावकहरुलाई आर्थिक भार पर्ने भएकाले विद्यालय आफैले निशुल्क पोशाक वितरण गर्ने भएको छ ।
प्ले ग्रुप देखी कक्षा १० सम्म पठन पाठन भैरहेको नवोदय मा ४ सय ५० बिद्यार्थीहरु अध्ययन गर्दै आएका छन् ।
